(ಶ್ರೀ ಬಂಕಿಮಚಂದ್ರರ ಪ್ರಖ್ಯಾತ ರಾಷ್ಟ್ರಗೀತೆಯನ್ನನುಸರಿಸಿದ್ದು)
ವಂದೇ ಮಾತರಮಮಲಾಂ ।
ಸುಜಲಾಂ ಸುಫಲಾಂ ಸುಸಸ್ಯ ಸಂಪನ್ನಾಂ ।
ಭರಣೀಂ ಭಾರತಧರಣೀಂ ।
ತ್ವಾಂ ರಿಪುಹರಣೀಂ ಸುತಾರ್ತಿಪರಿಹರಿಣೀಂ ॥ ೧
ವಂದೇ ಮಾತರಮಾರ್ಯಾ ।
ಮಖಿಲೇಡ್ಯಾಮಮಿತರತ್ನಕನಕಾಢ್ಯಾಂ ।
ಶುಭ್ರಜ್ಯೋತ್ಸ್ನಾ ಪುಲಕಿತ ।
ರಜನೀಂ ತ್ವಾಂ ಶ್ರೀಮತೀಂ ಚ ಪುಣ್ಯವತೀಂ ॥ ೨
ದೇಶಮಯೀಂ ಕೋಶಮಯೀಂ ।
ಕುಶಲಮಯೀಂ ಸುಖಮಯೀಂ ಪ್ರಮೋದಮಯೀಂ ।
ಅಯಿ ಮಧುರಾಲಾಪಮಯೀಂ ।
ತ್ವಾಂ ವಂದೇ ಮಾತರಂ ಚ ಸುಗುಣಮಯೀಂ ॥೩
ಕರ್ಮ ತ್ವಂ ಮರ್ಮ ತ್ವಂ ।
ಸದ್ಧರ್ಮಸ್ತ್ವಂ ತಥೈವ ಶರ್ಮ ತ್ವಂ ।
ಭರ್ಮ ತ್ವಂ ವರ್ಮ ತ್ವಂ ।
ತ್ವಾಂ ವಂದೇ ಮಾತರಂ ವಿದ್ಯಾಂ ॥ ೪
ಪ್ರಾಣಾಸ್ತ್ವಮೇವ ದೇಹೇ ।
ಭುಜಯೋಶ್ಶಕ್ತಿಸ್ತ್ವಮೇವ ದೇಹಭೃತಾಂ ।
ಹೃದಯೇ ತ್ವಮೇವ ಭಕ್ತಿ ।
ಸ್ತ್ವಾಂ ವಂದೇ ಮಾತರಂ ದೇವೀಂ ॥ ೫
No comments:
Post a Comment