ಭೂಮಾತೆಯೆಂದೆನ್ನನಂಕದೊಳಗಿರಿಸಿ
ಪ್ರೇಮದಿಂ ಜೋಗುಟ್ಟಿ ನಿದ್ದೆ ಮಾಡಿಸುವೆ?ಕಾಣಲಾರೆನು ಒಪ್ಪುತಪ್ಪುಗಳ ದಿಟವ
ಮಾಣಲಾರೆನು ನಂಟು ನೇಹಗಳ ಸೊಗವ
ಬಾಳಲಾರೆನು ತಳೆದು ಜಗದ ಹೇರುಗಳ
ತಾಳಲಾರೆನು ಧರುಮದೊಗಟುಗಳ ನೊಗವ.
ಅರಿಯಲಾರೆನು ಇಹಪರಂಗಳಂತರವ
ಮರೆಯಲಾರೆನು ಹೃದಯಗುಹೆಯೊಳಸ್ವರವ
ತೊರೆಯಲಾರೆನು ಪ್ರೀಯ ಜನದ ಮಮತೆಯನು
ಹರಿಸಲಾರೆನು ಪ್ರೀತಿಗಿರುವ ಕೊರತೆಯನು.
ಭೂಮಾತೆಯೆಂದೆನ್ನನಂಕದೊಳಗಿರಿಸಿ
ಪ್ರೇಮದಿಂ ಜೋಗುಟ್ಟಿ ನಿದ್ದೆ ಮಾಡಿಸುವೆ?
