ಇಂದ್ರಿಯ ಜಯ - ಕೇತಕೀವನ

ತನುವೇಂ ಮಣ್ಕೊಡವೆಂದೆನ್‍ ಈ ಧರೆಯ ಮೋಹಂಮತ್ತಿನೀಡೆಂದೆನೀ ।

ಮನಮಂ ಸುಟ್ಟಪೆನೆಂದೆನುಗ್ರತಪದಿಂ ಜಾಣಿಂದೆ ಮಾಯಾವಗುಂ– ॥
ಠನಮಂ ಸೀಳ್ಚುವೆನೆಂದೆನಂದಹಹ ನೋಡಲ್ಕೀಗಳಾ ವಿಶ್ವಮೋ- ।
ಹಿನಿ ತಾನೆನ್ನೊಳೆ ಸುಯ್ಯುತಿರ್ಪಳಡಗಿರ್ದಂಭೋಧಿಯೌರ್ವಾಗ್ನಿವೋಲ್‍ ॥

ಕಿವಿಯಂ ಮುಚ್ಚಿದೆನಕ್ಷಿಯಂ ಬಿಗಿದೆನಾಘ್ರಾಣಕ್ಕೆ ಕಟ್ಟಿಕ್ಕಿದೆಂ ।
ಸವಿಯಂ ದಂಡಿಸಿದೆಂ ತ್ವಗಿಂದ್ರಿಯಮಂ ಪಾಳ್ಗಟ್ಟಿದೆಂ ಗೆಲ್ದುದೇಂ ॥
ಶವದಂತಿರ್ದೊಡಮೆನ್ನ ಸಂಸ್ಮೃತಿಯೊಳಾ ಸಂಮೋಹನಾಕಾರಮು– ।
ದ್ಭವಿಸುತ್ತೆನ್ನಯ ಚಿತ್ತಕುಬ್ಬೆಗವ ಗೆಯ್ಸುತ್ತಿರ್ಪುದೇವೇಳ್ವುದೋ ॥